جيفارا مات

**nymphetamine** · موضوع: جيفارا مات الخميس يونيو 26, 2008 4:27 am

جيفارا مات

جيفارا مات

آخر خبر فِ الراديوهات

و فِ الكنايس

و الجوامع

و فِ الحواري

و الشوارع

و عَ القهاوي و َالبارات

جيفارا مات

جيفارا مات

و اتمد حبل الداردشة و التعليقات

********

مات المناضل المثال

يا ميت خسارة عَ الرجال

مات الجدع فوق مدفعه جوّه الغابات

جسّد نضاله بمصرعه

و من سُكات

لا طبالين يفرقعوا

و لا اعلانات

********

ما رأيكم دام عزكم

يا انتيكات

يا غرقانين

فِ المأكولات و الملبوسات

يا دفيانين

و مولعين الدفايات

يا محفلطين (1)

يا ملمّعين يا جيمسنات

يا بتوع نضال آخر زمن

ف العوامات

ما رأيكم دام عزّكم

جيفارا مات

لا طنطنة

و لا شنشنة

و لا إعلامات و استعلامات

عيني عليه ساعة القضا

من غير رفاقه تودّعه

يطلع أنينه للفضا

يزعق و لا مين يسمعه

يمكن صرخ من الألم

من لسعة النار فِ الحشا

يمكن ضحك

أو ابتسم

أو ارتعش

أو انتشى

يمكن لفظ آخر نفس كلمة وداع

لَجل الجياع (2)

يمكن وصية للي حاضنين القضية

بالصراع

صور كتير ملو الخيال

و ألف مليون إحتمال

لكن أكيد و لا جدال

جيفارا مات موتة رجال

*******

يا شغالين و محرومين

يا مسلسلين (3)

رجلين و راس

خلاص خلاص

مالكوش خلاص

غير البنادق و الرصاص

دا منطق العصر سعيد

عصر الزنوج و الامريكان

الكلمة للنار و الحديد

و العدل أخرس أو جبان

صرخة جيفارا يا عبيد

في أي موطن أو مكان

ما فيش بديل

ما فبش مناص

يا تجهّزو جيش الخلاص

يا تقولو عَ العالم

خلاص
أحمد فؤاد نجم

http://www.4shared.com/file/47488103/e689a8b4/__online.html?s=1

MASTER · عدد الرسائل: 15 العمر: 20 تاريخ التسجيل: 24/06/2008

تماااااااااااااااااااااااااااااام

جاااااااااااااامد

جدا

طبعا

7aBsAgY · عدد الرسائل: 19 العمر: 21 تاريخ التسجيل: 06/06/2008

حلو يا نيم
بس هات الكتاب بقي والنبي عاوز أقرئه
:$#%][لأ$#:

**nymphetamine** · موضوع: رد: جيفارا مات السبت يونيو 28, 2008 3:37 am

:%&*‘أً$%:

**nymphetamine** · موضوع: رد: جيفارا مات الجمعة سبتمبر 05, 2008 1:38 pm

ghAd

جميل جميل ..

اى حاجة من ريحة جيفارا حلوة

تاخد مجلة لميكى وتجيب الكتاب ده ؟؟

_________________

**nymphetamine**

الكتاب مع الأخ كونفوز